Landing Page nədir?
- Əsas səhifə
- Bloq
- Landing Page nədir?
Landing Page nədir?
Landing page — ziyarətçilərin bir reklam, link və ya kampaniyaya klik etdikdən sonra daxil olduqları xüsusi veb səhifədir.
Bu səhifənin əsas məqsədi, ziyarətçini müəyyən bir hərəkətə (Call to Action – CTA) yönləndirməkdir.
Bu hərəkət məhsul almaq, form doldurmaq, qeydiyyatdan keçmək, e-poçt abunəsi olmaq və ya xidmət sifariş etmək ola bilər.
Adi veb səhifələrdə çoxlu menyular, keçidlər və məlumatlar olur, lakin açılış səhifəsi sadəcə bir məqsədə fokuslanır.
Məhz bu səbəbdən landing page-lər reklam kampaniyaları və satış strategiyaları üçün ən effektiv vasitələrdən biridir.
Landing Page nə üçün vacibdir?
Landing page, sadəcə bir səhifə kimi görünə bilər, amma o, ziyarətçini müştəriyə çevirməyin əsas vasitəsidir.
Burada diqqət yalnız bir mesaj üzərində cəmlənir və istifadəçidən konkret addım atması istənilir.
Bu da, reklam kampaniyalarının nəticələrini ölçməyi və optimallaşdırmağı çox asanlaşdırır.
Məsələn:
Reklamdan gələn istifadəçilər üçün ayrıca səhifə yaradırsınız,
Sadəcə bir xidmət və ya təklifi təqdim edirsiniz,
“İndi sifariş et” və ya “Qeydiyyatdan keç” kimi bir düymə ilə nəticəyə yönləndirirsiniz.
Uğurlu Landing Page-in əsas xüsusiyyətləri
Cəlbedici və aydın başlıq (Headline):
İlk saniyədə diqqəti cəlb etməlidir.
Məsələn: “Biznesinizi 1 ayda onlayn satışa çıxarın!”
Qısa, konkret izah:
Ziyarətçi səhifəyə daxil olanda nə təklif etdiyinizi dərhal anlamalıdır.
Güclü “Call to Action” düyməsi:
Məsələn: “İndi sifariş et”, “Demo üçün qeydiyyatdan keç” və ya “Pulsuz sına”.
Etibar yaradan elementlər:
Müştəri rəyləri, loqolar, sertifikatlar, real nəticələr və statistikalar.
Sadə və mobil dostu dizayn:
Lazımsız detallar olmadan, bütün diqqət CTA üzərində olmalıdır.